Türkiyənin Bolu bölgəsində təlim-məşq toplanışında olan "Sumqayıt” klubu düşərgəsinə yeni futbolçu cəlb edib.
Newsport.az-ın məlumatına görə, söhbət İranın "Traktor Sazi” klubunun futbolçusu İbrahim Abdunicatdan gedir. Son mövsümü Təəbriz klubunun heyətində keçirən 22 yaşlı hücumçu bir müddətdi komandanın düşərgəsindədi və futbolçu ilə bağlı yekun qərarı məşqçilər korpusu verəcək.
Qeyd edək ki, Abdunicat artıq komanda ilə ilk oyununu keçirib. O, Səudiyyə Ərəbistanının "Əl Xalic” komandası ilə yoxlama görüşündə (1-3) iştirak edib və "Sumqayıt”ın yeganə qolunun müəllifi olub.