Yeni mövsüm üçün hazırlıqlarını davam etdirən "Sumqayıt” klubu daha bir futbolçu ilə müqavilə imzalayıb.
 
Newsport.az-ın məlumatına görə, "gənclik şəhəri” təmsilçisi "Xəzər Lənkəran”ın sabiq futbolçusu Vaquf Güləliyevlə ilə ilkin danışıqlarını müsbət yekunlaşdırıb. Gənc yarımmüdafiəçi ilə  2 illik müqavilə imzalanıb.
 
Qeyd edək ki, "Sumqayıt”  mövsüm başa çatdıqdan sonra  Slavik Alxasov, Ağabala Ramazanov, Səlahət Ağayev, Pərdis Fərcad-Azad (hamısı "İnter”), Tofiq Mikayılov, Emin Mehdiyev, Uğur Pamuk, Cəmil Hacıyev, Tural Abbaszadə, Aleksandr Çertoqanov, Murad Ağayev və Rasim Ramaldanov kimi futbolçularla yollarını ayırıb.