Avropa Liqasının I təsnifat mərhələsinin ilk oyunları çərçivəsində Maltanın "Baltsan” komandası ilə qarşılaşacaq "Neftçi” komandası səfərdə azarkeşsiz qalmayacaq. "Neftçi Legion” və "Milli Dəstə” üzvləri  bu gün "ağ -qaralar”ın yanında olacaqlar. 
 
Newsport.az-ın məlumatına görə, bu barədə məlumatı açıqlamasında "Neftçi Legion”un üzvləri məlumat verib. Mənbədə bildirilib ki, "Neftçi Legion” və "Milli Dəstə” Almaniyada yaradılmış fan klublardı. Azarkeşlər bu gün "Neftçi” üçün Almaniyadan Maltaya səfər edəcəklər. 
 
Qeyd edək ki, "Baltsan” – "Neftçi” matçı Bakı vaxtıyla 20:00-da başlayacaq. Qarşılaşma "Hibernians” stadionunda keçiriləcək.

Futbol11.az