Bakının "Neftçi" klubu heyətini venesuelalı futbolçu ilə gücləndirib.

Newsport.az-ın məlumatına görə, "Mineros Quayana" klubunun yarımmüdafiəçisi Edson Kostilya qarşıdakı bir il müddətində "ağ-qaralar"ın uğurları üçün çalışacaq.

22 yaşlı futbolçu dünən Türkiyəyə yollanıb və "Neftçi"nin toplanışına qatılıb.

Yarımmüdafiəçi bildirib ki, "Neftçi"yə transferi ilə bağlı proses çox sürətlə olub: "Argentinalı biznesmen dostlar mənimlə əlaqə saxladılar, maraqlandılar. Mən də onlara videolarımı göndərdim və bəyənildim. "Mineres Quayana"nın baş məşqçisi Xose de Xesusa minnətdarlığımı bildirirəm. O mənə inandı, özümə güvən yarandı və oynadım. Mənim üçün etdiyi hər şeyə görə ona minnətdaram".

Kostilya ölkə çempionatının son mövsümündə 20 oyunda meydana çıxıb və bir qol vurub.