"Neftçi"nin baş məşqçisi Vəli Qasımov Premyer Liqanın sonuncu turunda "Sumqayıt"la oyundan (1:2) sonra  mətbuat konfransı keçirib.

Newsport.az-ın məlumatına görə, V.Qasımov məğlubiyyətdə AZAL-ın uduzmasının da rol oynadığını bildirib.

- Qalib gəlmək istəyirdik. Xeyli qol epizodlarımız oldu, amma istifadə edə bilmədik. Digər yandan, "Qarabağ"ın hesabda öndə olduğunu bildikdən sonra arxayınlaşdılar. Hər halda, Avropa Liqasına çıxdığımız üçün sevinirik.
 
- Azərbaycan kubokunun final oyununa hansı sürpriz etmək istəyirsiniz?

- Sürprizimiz qələbə qazanmaqdır. Əlimizdən gələni edəcəyik ki, qalib gələk. 
 
- Avropa Liqasına vəsiqə qazandığınızı dediniz. Amma hələ CAS "İnter"lə bağlı qərarını elan etməyib...

- UEFA-nın qərarından nə isə dəyişəcəyinə inanmıram. Təki "İnter"in xeyrinə olsun. Amma qanun hamı üçün eynidir. İnanmıram ki, nə isə dəyişsin. 
 
- Avroliqaya "Neftçi" kimin rəhbərliyi altında yollanacaq?

- Bu il Avropa Liqasında mümkün qədər irəli getməyə çalışacağıq. Mən mövsümün sonunadək komandaya kömək edəcəyəm. Avroliqaya kimin rəhbərliyi altında gedəcəyimiz Müşahidə Şurasının qərarından asılı olacaq. 

Sportnet.az