"Bəzi futbolçuların gedəcəyi dəqiqdi" - Svanadze

Kateqoriya: Ölkə futbolu | Tarix: 20.05.2016 19:18

Azərbaycan Premyer Liqasının 36-cı turunda evdə "Zirə"ni minimal hesabla məğlub edən "İnter"in baş məşqçisi Zaur Svanadze oyunla bağlı fikirlərini bildirib.

Newsport.az-ın məlumatına görə, gürcü mütəxəssis bunları deyib:

- Mövsümün sonundan razıyam. Uşaqların oyunundan razı qaldım. Düzdü, bəzi oyunlar var idi ki, daha yaxşı nəticə göstərə bilərdik. Yekunda tutduğumuz 4-cü yer məni razı salır.

- Bundan öncə demişdiz ki, heyəti gəncləşdirmək istəyirəm. Demişdiz ki, mövsümün sonunda konkret kimlərin komandadan ayrılacağını deyəcəksiz...

- Bu gün konkret ad çəkə bilmərəm ki, kimlər komandadan gedəcək. Ancaq bəzi futbolçuların gedəcəyi dəqiqdi. Komandanın gəncləşdirilməsilə bağlı fikrimdə qalıram.

- Növbəti mövsüm üçün rəhbərlik tərəfindən transferlərə büdcə ayrılıb?

- Büdcə barədə konkret fikir bildirməkdə çətinlik çəkirəm. Ancaq ümumi fikir var ki, növbəti mövsüm komanda gücləndirilməlidi.

- CAS-dan müsbət qərar gələcəyinə ümid edirsiz?

- Bu barədə fikir bildirməkdə çətinlik çəkirəm. Ancaq müsbət qərar verilsə, Avroliqada mübarizə aparmağa hazırıq.

Paylaş