Azərbaycanın 17 yaşadək futbolçulardan ibarət yığması bu gün Bakıda təşkil olunan Avropa çempionatının final mərhələsində ikinci matçına çıxacaq.

Newsport.az-ın məlumatına görə, A qrupunda mübarizə aparan Təbriz Həsənovun komandası bu dəfə Belçika ilə üz-üzə gələcək.

İlk matçında Portuqaliyaya 0:5 hesabı ilə uduzan millimiz bu oyunda qələbə qazanmağa çalışacaq. Əks təqdirdə yığmamız qrupdan çıxmaq şansını daha da çətinə salacaq. 8-ci km qəsəbə stadionunda keçiriləcək oyun saat 19:00-da başlayacaq.

Qeyd edək ki, qrupun digər görüşün Portuqaliya millisi Şotlandiya ilə qarşılaşacaq. Həmin matçın start fiti saat 15:30-da veriləcək.

8 may

A qrupu, II tur

19:00. Azərbaycan – Belçika - 1:1 
Qol: Bongiovanni, 72 (0:1), Murad Mahmudov, 77 (1:1)
8-ci KM stadionu
 

15:30. Portuqaliya – Şotlandiya - 2:0
Qollar: Quina, 37. Joze Qomeş, 55
"Dalğa Arena"