Azərbaycan kubokunun yarımfinal mərhələsinin cavab qarşılaşmaları çərçivəsində "Qarabağ” "İnter”i 1-0 hesabı ilə məğlub edib.

Newsport.az-ın məlumatına görə,oyunsonrası mətbuat konfransında "Qarabağ”ın baş məşqçisi Qurban Qurbanov qarşılaşma haqqında danışıb: 
 
"Komandamı, futbolçularımı, rəhbərliyi və azarkeşlərimizi final mərhələsinə vəsiqə qazanmağımız münasibətiylə təbrik edirəm. Ən azı məqsədimiz finala vəsiqə qazanmaq idi. Stadionun rəhbərliyinə təşəkkür edirəm. Sağ olsunlar bizə belə bir şərait yaratdılar. Qarşıda çempionat oyunlarımız var. Hazırlaşmalıyıq.”
 
- Növbəti oyunlarda "Əlincə”nin stadionundan yararlanacaqsınızmı?
- Qeyd etdiyim kimi, stadiondan çox razı qaldım. "Qəbələ” ilə ev oyunumuzu burda oynayacağıq.
 
- "Göztəpə” Leroy Corcu transferə çıxarıb. Onun transferi barədə düşünürsünüzmü?
- Hələ ki, qarşıda oyunlarımız var. Əvvəlki mətbuat konfransında dediyim kimi, Leroyu qaytarmaq barədə düşünmürük.
 
- Finalda yenə "Neftçi”ilə qarşılaşacaqsınız...
- Düşünürəm ki, bu ilki "Neftçi” daha istəklidir. Final mətçında ikiqat istəkli olacaqlar. Final matçına çox ciddi hazırlaşmalıyıq.