Elbrus Məmmədov "Qarabağ"a qarşı məğlubiyyətə belə şərh verdi

Kateqoriya: Ölkə futbolu | Tarix: 03.04.2016 19:43

“Əvvəlcə vətən uğrunda şəhid olan əsgərlərin ailələrinə baş sağlığı verirəm. Əsgərlərimizə isə güc-qüvvət arzulayıram. Oyuna gəldikdə isə demək istəyirəm ki, yaxşı mübarizə apardıq”.

Newsport.az-ın məlumatına görə, bu sözləri “Xəzər Lənkəran”ın baş məşqçisi Elbrus Məmmədov deyib. Premyer Liqanın XXVIII turu çərçivəsində öz meydanında “Qarabağ”la qarşılaşan cənublular matçdan 1:2 hesablı məğlubiyyətlə ayrılıb.

Oyundan sonra matçla bağlı fikirlərini bildirən çalışdırıcı bunları deyib: “Çempionatın liderinə qarşı oynamağımıza baxmayaraq, yaxşı çıxış etdik. Ancaq standart vəziyyətdən iki qol buraxdıq. Ötən oyunlarda və elə bu matçda da yaxşı təsir bağışlayan müdafiəçilərimiz bir azca diqqətsizlik edən kimi qapımızda qolu gördük. Gənclərlə bacardığımız qədər mübarizə aparmağa çalışırıq. Çalışacağıq ki, önümüzdəki oyunlarda uğursuz seriyanı sonlandıraq” (apasport.az).

Paylaş