Antalyada təlim-məşq toplanışında olan Azərbaycan yığması yoldaşlıq görüşü çərçivəsində Qazaxıstan millisi ilə üz-üzə gəlib.xorvatiyalı mütəxəssis 0:1 hesablı məğlubiyyəti belə şərh edib:

Newsport.az saytının Antalyaya ezam olunmuş əməkdaşının məlumatına görə,millimizin baş məşqçisi Robert Prosineçki oyundan sonra  0:1 hesablı məğlubiyyəti belə şərh edib:.

- Oyun haqqında fikirlərinizi bildirin...

- Mən dünən də bildirmişdim, bizim üçün çətin oyun olacaq. Hesaba baxmayaraq, komandamdan razıyam. Uşaqlar əllərindən gələni elədilər. İkinci hissədə meydana çıxan futbolçular da yaxşı oynadılar.

- Araz Abdullayev bu gün fərqli mövqedə çıxış etdi, qane etdimi onun oyunu sizi?

- Arazdan çox razı qaldım. Tapşırılan vəzifənin öhdəsindən gəldi. Müdafiəyə də kömək elədi. Hücumda da fəal idi.

- Komandadan razısınız, ancaq məğlub olduq. Səbəb nə idi?

- İlk dəqiqələrdə standart vəziyyətdə diqqətli olmadıq. Qol buraxdıq. Sonradan bunu aradan qaldıra bilmədik. Məğlubiyyətə əsas səbəb bu oldu. Nəticədən sössüz ki razı deyiləm. Səhvlərimiz var, bunları aradan qaldıracağıq.

- Cavid Tağıyev “Qarabağ”ın heyətində adətən ehtiyatda qalır, onun oyunu necə təsir bağışladı?

- Ad çəkmək istəmirəm, o, pis, bu, yaxşı oyunçudu. Meydanda çıxış edən bütün futbolçularımdan, həmçinin Caviddən də razı qaldım.

Mərdan Həsənov / Antalya