“Qarabağ”ın baş məşqçisi Qurban Qurbanov Azərbaycan Premyer Liqanın 25-ci turunda “Sumqayıt”a səfərdə 2:0 hesabı ilə qalib gəldikləri oyunla bağlı fikirlərini bildirib.

Newsport.az-ın məlumatına görə, o qeyd edib ki, eyni komandaya qarşı ardıcıl üç oyun keçirmək çətin olub:

- İstər-istəməz yorulursan. Futbolçulardan razı qaldım. Başlanğıcda yaxşı oynadıq. Ancaq rəqib də pis təsir bağışlamadı. Baxmayaraq ki, ilk 20 dəqiqədə 2 qol vurduq, qalan 70 dəqiqədə “Sumqayıt”ın qapısına yol tapa bilmədik.

- Rəşad Sadıqov bugünkü oyunu kənardan izləyir, özü üçün qeydlər aparırdı. Bu yaxınlarda isə o, məşqçi kurslarına qatılıb.

- Rəşadın kiçik zədəsi var. Risk etmədik. O ki qaldı qeydlər aparmasına, bu barədə ondan yalnız məşqçi imtahanlarından sonra soruşacam.

- Mövsüm ərzində “Qarabağ”da eniş müşahidə olunmayıb. “Qarabağ”ın özü özüylə mübarizə aparması çətin deyil?

- Hər rəqiblə oyuna ciddi hazırlaşırıq. İstənilən komanda “Qarabağ”a məğlub etmək iqtidarındadı. Amma biz də enişə düşməkdən çəkinirik və çalışırıq ki, cari mövsüm bunu yaşamayaq.

- Riçard Almeyda əvəzlənərkən sanki şikayətlənirdi...

- O, hələ ilk yarıda topuğundan zərbə almışdı. Mən də bu cür məsələlərdə həssasam. İnanıram ki, zədə ciddi deyil. Amma Riçardı qorumağı qərara aldıq.

- Rəşadın mövqeyinə kimi hazırlamısınız?

- Tam o fikirdən uzağam, istəmirəm ki, Rəşad getsin. O oynamalıdır. Rəşad son iki ildə oyununu daha da artırıb. Qarşıdakı iki ildə Rəşaddan əl çəkməyəcəm.  

- Danilo Dias və Raydell Pupon xaricdə xarüqələr yaradırlar, amma burda alınmadı ..  

- Bəlkə də Azərbaycanda oynamaq çətindir. Onlar bizə adaptasiya olunmadı bəlkə də. Bu o deməkdir ki, biz yanılmamışıq. Amma onlar öz sözlərini deyirlər. Bəlkə də heyətdə rəqabətə dözə bilmirdilər. Çox rahatlaşdım ki, onlar xarüqələr yaradırlar.  

- Armenteros  mövsümün sonunda komandada qalacaq? Reynaldodan əvvəlki durumnuna qayıdacağını gözləyirsiniz?

- Armenterosda müqavilə 1+1 dir. Mövsümün sonunda qərar verəcəyik. Ola bilər ki, Armenteros da 1-2 oyun zəif oynasın, amma biz ondan narazı deyilik. Müqavilə məsələsinə isə hələlik vaxt var. Reynaldo komanda ilə məşqlərə başlayıb. Hər şey yaxşıya doğru gedir.   

- Rahidin olmaması komanda üçün nə dərəcədə çətinlik yaradacaq?

- Rahid həm milli, həm də bizim üçün vacibdir. Əfsuslar olsun ki, zədəlidir. İnşallah avrokuboklarda bizə kömək edəcək. Ona səbrli olmağı arzulayıram. Bu, hər bir futbolçunun başına gələ bilər.  

H.Mərdan