Dünən Topaz Premyer Liqasının VII turunda keçirilən "Bakı" - "Araz Naxçıvan" matçının (2:1) sonlarında qonaq azarkeşlərin baş məşqçi Əsgər Abdullayevə qarşı "istefa" şüarları səsləndirməsi və Naxçıvan təmsilçisinin ehtiyyat oyunçular skamyasında əyləşən futbolçu Eşqin Quliyevin azarkeşləri təhqir etməsi barədə xəbər vermişdik. 

Newsport.az-ın məlumatına görə,futbolçu "FutbolPress.az"a açıqlamasında yayılan məlumatları təkzib edib. 

Amma aşağıdakı videodan görünür ki, Naxçıvan təmsilçisinin futbolçusu yalan danışır. Ehtiyyat oyunçular skamyasında əyləşən bir neçə futbolçu azarkeşlərə qarşı söyüş söyür, təhqiramiz ifadələr işlədir. Eşqin Quliyev isə hətta azarkeşlərə hədə-qorxu gələrək barmaq da silkələyir. 

Qeyd. Videodakı söyüşlərə görə üzr istəyirik.