"Yuventus"un әfsanәsi David Trezege Bakıya gәlib.

Newsport.az-ın məlumatına görə, o, "Yuventus"un Azәrbaycan Uşaq Futbol düşәrgәsinin açılışı üçün paytaxtımıza tәşrif buyurub. Trezegedәn başqa tәdbirә "Yuventus"un Uşaq Futbol Mәktәblәrinin İnkişafı departamentinin rәhbәri Karolina Çiappero da iştirak edib. Tәdbiri giriş sözü ilә açan Çiappero bunları deyib: "Әvvәlcә Azәrbaycandakı tәrәfdaşımıza tәşәkkür edirik. İyun ayının 5-indәn 12-nә kimi Bakıda düşәrgә olacaq. Bütün dünyada biz belә layihәlәr hәyata keçiririk. Bu layihәnin mәqsәdi tәkcә uşaqlara futbolu aşılamaq deyil. Hәm dә onlara futbol sevgisini öyrәtmәkdir. Hesab edirik ki, bu layihәdә iştirak edәn uşaqlar gәlәcәkdә cәmiyyәtә xeyir verәcәklәr".

Daha sonra söz Trezegeyə verilib: "Hamını salamlayıram. Bakıda olmaqdan zövq aldım. Bu şәhәrin gözәlliyinә heyran oldum. "Yuventus" olaraq düşünürük ki, Azәrbaycanda da futbolun inkişafı üçün nәsә etmәk lazımdır. Klubumuz bu ölkәyә investisya qoymağı nәzәrә aldı. Burdakı uşaqlara dәstәk olacağıq. Onlar hәm dә zövq alacaqlar. Bu düşәrgә çәrçivәsindә istedadlı gәnclәr üzә çıxa bilәr. "Yuventus"un prezidenti adından Azәrbaycandakı fanatlara tәşәkkür edirәm. Ümid edirәm ki, Bakıya yenә gәlәcәm"