Azərbaycan Premyer Liqasının 24-cü turunda evdə "Qəbələ"yə 1:2 hesabıyla uduzan "Neftçi"nin baş məşqçisi Əsgər Abdullayev istefa verib.

Newsport.az-ın məlumatına görə, bunu baş məşqçi özü oyundan sonra keçirilən mətbuat konfransında açıqlayıb:

- İstefa verirəm. Bunu deyə bilərəm ancaq.

- İstefaya məcbur getdiz, yoxsa öz fikrinizdi?

- Özüm gedirəm. Əsas odur ki, istefa verdim.

- Siz tək gedirsiz, yoxsa gedəcək başqa adamlarda var?

- Mən gedirəm. Kim gedir bilmirəm.

- Ruslan Qurbanov formasını sizin yanınızda yerə atdı. Ona nəsə dediz?

- Danışdım. Emosiyalar gərgin idi.

- Dediz ki, “Neftçi” məğlubiyyətlərə layiq deyil. Bəlkə istefa səbəbinizi deyəsiz?

- Mən heç nə demək istəmirəm.

- Sizdən əvvəl də məşqçi yollanılmışdı. Bəlkə rəhbərlik məşqçiləri “qurbanlıq” edir...

- Heç nə deyə bilmərəm.