Bu gün Azərbaycan kubokunda 1/4 final mərhələsinin ilk oyunları keçirilib.
Newsport.az-ın məlumatına görə, bütün qarşılaşmalar bu günə nəzərdə tutulub.
Günün ilk oyunu Lənkəranda keçirilib. Burada prinsipial rəqiblər - “Xəzər Lənkəran” və “Neftçi” üz-üzə gəlib. Beş qolun vurulduğu görüşdə "Xəzər Lənkəran" qələbə qazanıb - 3:2.
Premyer Liqanın lideri “Qarabağ” “Sumqayıt”ı qəbul edib. Fasiləyə qədər oyunda hesab açılmayıb. İkinci hissədə iki qol vuran Ağdam təmsilçisi görüşdən qələbə ilə ayrılıb - 2:0.
Günün maraqla gözlənilən oyunu Zirədə baş tutub. Premyer Liqanın 2-ci pilləsində qərarlaşan “Zirə” ən yaxın izləyicisi olan “Qəbələ”ni qəbul edib. Qarşılaşma Roman Qriqorçukun komandasının 2:1 hesablı qələbəsi başa çatıb.
Sonda “İnter” Premyer Liqanın autsayderi olan “Rəvan”ın qonağı olub və 1:2 hesabı ilə uduzub.
2 mart
Azərbaycan kuboku, 1/4 finalın ilk oyunları
19:00. “Rəvan” - “İnter” - 2:1
Qollar: Sezar Meza Kolli, 56 (0:1), Nurlan Qurbanov, 61 (1:1), Ramazan Abbasov, 81 (2:1)
Hakimlər: Ramil Diniyev, Azər Əsgərov, Cavanşir Yusifov, Rəvan Həmzəzadə.
Bakı. “Bayıl Arena”.
18:00. “Zirə” - “Qəbələ” - 1:2
Qollar: Aleksey Qay, 75 (0:1), Nelson Bonilla, 77 (1:1), Dodo, 83 (1:2)
Hakimlər: Rəhim Həsənov, Namiq Hüseynov, Knyaz Əmiraslanov, Rauf Cabbarov.
Bakı. Zirə İdman Kompleksinin stadionu.
14:00. “Xəzər Lənkəran” - “Neftçi” - 3:2
Qollar: Vaqif Güləliyev, 17 (1:0), Tural Qürbətov, 19 (2:0), Ruslan Qurbanov, 22 (2:1), Fəhmin Muradbəyli, 39 (2:2), İbrahim Qədirzadə, 52 (3:2)
Hakimlər: Əliyar Ağayev, Zeynal Zeynalov, Rza Məmmədov, İnqilab Məmmədov.
“Xəzər Lənkəran” mərkəzi stadionu.
17:00. “Qarabağ” - “Sumqayıt” - 2:0
Qollar: Riçard Almeyda, 52-pen (1:0), Mahir Mədətov, 86 (2:0)
Hakimlər: Orxan Məmmədov, Yaşar Abbasov, Mehman Mahmudov, Elvin Əsgərov.
Bakı. “Azərsun Arena”.
