AFFA-nın İcraiyyə Komitəsinin (İK) yeni tərkibində Azərbaycanın xarici işlər naziri Elmar Məmmədyarov da təmsil olunacaq.

Newsport.az-ın məlumatına görə, onun İK üzvlüyünə namizədliyi Ümümazərbaycan Futbolsevərlərin İctimai Birliyi adlanan qurum tərəfindən irəli sürülüb.

AFFA-nın Mətbuat və İctimaiyyətlə Əlaqələr Departamentindən verilən açıqlamada E.Məmmədyarovun namizədliyinin irəli sürülməsi ilə bağlı xəbəri təsdiqləyiblər.

Qeyd edək ki, İK üzvlüyünə, eyni zamanda AFFA prezidentliyinə seçkilər 2016-cı il martın 11-də keçiriləcək.

E.Məmmədyarovla yanaşı, İK üzvlüyünə Rauf Əliyev,  Vaqif Sadıqov, Elşad Nəsirov, Qurban Qurbanov, Tuyqun Nadirov, Kazbek Tuayev, İsgəndər Cavadov,  Mahir Məmmədov, Mirkamil Rəhimov və Firudin Qurbanovun da namizədliyi irəli sürülüb.(qol.az)