"Neftçi”dən problemlə ayrılan və klubdan FİFA-ya şikayət edən Emil Mpenza ilə Bakı klubu arasında razılıq əldə edildiyini bildirmişdik. 

Newsport.az-ın məlumatına görə, klub tərəfindən verilən açıqlamada Mpenzaya olan 800 000 avroya yaxın borcun hissə-hissə ödəniləcəyi deyilmişdi.

Belçika millisinin sabiq futbolçusu bunu təsdiqləyib. O bildirib ki, "Neftçi”nin pulu olmadığı üçün buna razılaşıb: "Bəli, biz razılaşmışıq. Onlar pullarımı hissə-hissə verəcəklər. Əslində, razılaşmayacaqdım. Amma bilirəm ki, "Neftçi”nin pulu yoxdur. Onlar hazırda heç də yaxşı durumda deyillər. Ona görə də razılıq əldə etdik”.

"Qafqazinfo”