Azərbaycan Premyer Liqasının XXII turunda "İnter” doğma meydanında "Kəpəz”i qəbul edib. Qarşılaşma paytaxt klubunun 1-0 hesablı qələbəsi ilə yekunlaşıb. 

Newsport.az-ın məlumatına görə, oyunsonrası mətbuat konfransında "İnter”in baş məşqçisi Zaur Svanadze qarşılaşmanı belə şərh edib: 

 
"İlk öncə onu qeyd edim ki, meydanda yaxşı mübarizə var idi. Futbolçular qələbə qazanmaq istəyirdi. Çox yaxşı oyun sərgilədik. Laşa Kasradze və Abbas Hüseynov zədəli idi. Zədədən heç kim sığortalanmayıb.Futbolçu azlığından əziyyət çəkirik. Bundan sonrakı oyunlarda yaxşı oyun sərgilməyə çalışacağıq. Fomenko iki qol epizodundan yararlana bilmədi. Amma onun oyunundan razı aldım.”