"Gözlədiyimiz kimi çətin oyun oldu. "Rəvan" döyüşkən komandadır. Qol imkanlarımızın çoxundan istifadə edə bilmədik. Bunun üzərində çox işləməliyik".

Newsport.az-ın məlumatına görə, bu sözləri "Zirə"nin baş məşqçisi Adil Şükürov Azərbaycan Premyer Liqasının 21-ci turunda "Rəvan"a 2:1 hesabı ilə qalib gəldikləri matçdan sonra dryib.

O, qarşılaşmanın 13-cü dəqiqəsində zədələnən Elvin Məmmədov haqda da danışıb:

"Elvinin zədəsinin ciddi olub-olmadığı sabah bilinəcək".

A.Şükürov Premyer Liqanın lideri "Qarabağ"a çatmağa çalışacaqlarını söyləyib:

"Bütün klublar istəyir ki, birinci olsun. Biz də çalışırıq ki, "Qarabağ"a çataq və onları  keçək. Hər şey mövsümün sonunda müəyyənləşəcək.İkinci pillədəyiksə, niyə də cempionluğa oynamayaq?"