Azərərbaycan Premyer Liqasının XX turunda "İnter” doğma meydanında "Qəbələ”ni qəbul edib. Qarşılaşma 1-0 hesabı ilə qonaqların qələbəsi ilə başa çatıb.

Newsport.az-ın məlumatına görə, oyunsonrası mətbuat konfransında "İnter”in baş məşqçisi Zaur Svanadze qarşılaşmanı şərh edib. 
 
-İki ardıcıl məğlubiyyət alırıq. Çalışacağıq ki, nəticələri düzəldək. 
 
-Ardıcıl məğlubiyyətlərə səbəb nədir?
-Futboldan kənar söhbətlər yoxdu. Futbolçular vaxtı-vaxtında maaş alır.  Sadəcə, vəziyyəti düzəltməliyik.
 
-90 dəqiqə ərzində "Qəbələ”yə qarşı oynamaq çətindir yoxsa küləyə qarşı?
-Birinci hissədə küləyə qarşı oynadıq. İkinci hissədə qol vəziyyələrimiz oldu. Son nöqtəni qoymaqda çətinlik çəkirik. Bunu aradan qaldırmalıyıq. 
 
-Bildirdiniz ki, hücumda problemimiz var. Mətbuatda  belə bir xəbər yayılmışdı ki, hücumçu axtarışındasınız. Bu barədə işlər gedirmi?
-Biz əvvəllər hücumçu axtarırdıq. Amma ini axtarışı dayandırmışıq. Gələn mövsümündən hücum xəttini gücləndirməyə çalışacağıq. 
 
-Komandanın Avrokubolardan kənarda qalması deyilir.  Ola bilərmi bu futbolçuları həvəsdən salsın...
-Bu barədə hələlik qərar qəbul edilməyib. Əgər qəbul olunsa bu futbolçularlı həvəsdən sala bilər.