FİFA-nın I vitse-prezidenti Valentin Qranatkinin xatirəsinə həsr olunmuş XXVIII ənənəvi beynəlxalq turnirdə 17 yaşadək futbolçulardan ibarət Azərbaycan yığması bu gün qrupda son matçına çıxıb.

Newsport.az-ın məlumatına görə, C qrupunda qərarlaşan yığmamız Sloveniyanın U-19 komandası ilə qarşılaşıb. 

Keçirdiyi iki görüşdə 4 xal toplayan Təbriz Həsənovun komandası bu oyundan qalib ayrılacağı təqdirdə qrup lideri olacaqdı. Ancaq bu matçda millimiz 0:4 hesabı ilə uduzub. Bununla da komandamız qrupu üçüncü pillədə tamamlayıb.

Qeyd edək ki, turnirin ilk görüşündə Latviya ilə 1:1 bərabərə qalan Azərbaycan millisi daha sonra Bolqarıstana 2:0 hesabı ilə qalib gəlib.

8 yanvar

20:00. Azərbaycan (U-17) - Sloveniya (U-19) - 0:4 
Qollar: Kevin Jilek, 18 (0:1), 36 (0:2), Sven Kariç Şoştariç, 56 (0:3), Tom Jurqa, 90 (0:4)
Peterburqski İdman-Konsert Kompleksi.