"Neftçi" hazırlıqlara start verdi FOTOLAR

Kateqoriya: Ölkə futbolu | Tarix: 07.01.2016 20:13

“Neftçi” Azərbaycan Premyer Liqasının üçüncü dövrəsinin hazırlığına bu gün başlayıb.

Newsport.az-ın klubun rəsmi saytına istinadən verdiyi məlumata görə, komanda klubun bazasındakı meydançada məşq edib.

Hazırlıq prosesində Mixal Peskoviçdən başqa bütün futbolçular iştirak ediblər. Qapıçı məşqlərə sabah qoşulacaq. Zədəlilər - Fəhmin Muradbəyli və Elşən Abdullayev fərdi məşqlə kifayətləniblər.

Qeyd edək ki, yanvarın 10-dək gündə bir dəfə məşq edəcək “Neftçi” ayın 10-da “Olimpiya stadionu”nda ikitərəfli oyun keçirəcək. Yanvarın 11-də isə komanda təlim-məşq toplanışına start verəcək. Klubun təlim-məşq bazası, “Bakcell Arena” və “Olimpiya stadionu”nda təşkil olunacaq təlim-məşq toplanışı ərzində komanda 3 yoxlama oyunu keçirməyi planlaşdırır.