Xəbər verdiyimiz kimi, Peşəkar Futbol Liqasının prezidenti Ramin Musayev onlara borcu olan 9 Premyer Liqa klubuna transfer qadağası qoyacaqlarını bəyan edib.

Newsport.az saytının məlumatında görə, onun və rəhbərlik etdiyi qurumun belə bir hüququ yoxdur.

Bunu saytımıza AFFA-dan bildiriblər. Məlumatda o da bildirilir ki, belə bir qərarı ancaq assosiasiyanın İntizam Komitəsi qəbul edə bilər.

PFL isə sadəcə, İK-ya müraciət ünvanlaya bilər ki, klublar onlara olan borclarını ödəmir. Yalnız bundan sonra İK həmin klublara müxtəlif cəzalar tətbiq edə, eləcə də transfer qadağası qoya bilər.