"Qəbələ"nin yarımmüdafiəçisi Derlis Meza Kolli qış fasiləsində bu komandadan mümkün ayrılığı barədə fikirlərini bölüşüb.

 Newsport.az saytına açıqlamasında o, bunları söyləyib:

"Hazırda klubu tərk edib, etməyəcəyim barədə danışmaq istəmirəm. Bütün diqqətimi "Qəbələ"nin qarşıdakı oyunlarına yönəltmişəm. Gələcək barədə danışmaq istəmirəm. Bu barədə 10 gündən - dekabrın 20-dən sonra danşarıq".

Qeyd edək ki, futbolçunun meneceri bir müddət öncə saytımıza açıqlamasında Meza Kollinin qışda "Qəbələ"dən ayrılacağını bəyan etmişdi. Buna səbəb futbolçunun istədiyi qədər oynamaq şansı qazana bilməməsidir.