Türkiyənin Ərzurum şəhərində təlim-məşq toplanışını davam etdirən "Araz-Naxçıvan"ın yoxlama oyunları ilə bağlı planında dəyişiklik edilib.

Newsport.az xəbər verir ki, bu barədə Naxçıvan təmsilçisinin mətbuat xidmətindən məlumat paylaşıb.

Komanda bu gün daha bir oyun keçirəcək. "Qırmızı-ağlar" Bakı vaxtı ilə saat 18:30-da Superliqa təmsilçisi "Konyaspor"la üz-üzə gələcək.

Qeyd edək ki, "Araz-Naxçıvan" toplanışı iyulun 17-də "Trabzonspor"la keçirəcəyi oyunla yekunlaşdıracaq.