“Sumqayıt” azarkeşlərinə görə 2000 manat ziyana düşdü

Kateqoriya: Ölkə futbolu | Tarix: 08.12.2015 13:30

Bu gün AFFA İntizam Komitəsnin növbəti iclası keçirilib.

Futbol11.az xəbər verir ki, iclasda Topaz Premyer Liqasının XV turu çərçivəsində qeydə alınan qayda pozuntuları ilə bağlı aşağıdakı qərarlar qəbul olunub:
Azərbaycan Premyer Liqasının XV turunun "Neftçi” – "Zirə” matçında "Neftçi” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Azərbaycan Premyer Liqasının XV turunun "Sumqayıt” – "Kəpəz" matçında hər iki klubun 4 futbolçusu sarı vərəqə ilə cəzalandırıldığı üçün hər iki klub 1000 manat cərimə olunur (maddə 40).

Oyun başa çatdıqdan sonra "Sumqayıt” klubunun azarkeşləri tərəfindən meydançaya kənar əşyalar atıldığı üçün klub 2000 manat cərimə olunur (maddə 52).

Azərbaycan Premyer Liqasının XV turunun "Rəvan” – AZAL matçında "Rəvan” klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).

Paylaş