Misli Premyer Liqasının 2024-2025 mövsümündə 43 penalti qeydə alınıb.
Newsport.az saytının məlumatına görə, onun 34-ü qolla nəticələnib. 9 halda isə zərbəni qola çevirmək mümkün olmayıb.
Lehinə ən çox onbirmetrlik zərbə verilən komanda “Qarabağ” olub. Ağdam təmsilçisi qazandığı 7 penaltinin hamısını qolla tamamlamağı bacarıb. “Zirə” və “Turan Tovuz”un futbolçuları 6 dəfə rəqib qapıçı ilə üzbəüz duelə çıxıb. Qəsəbə təmsilçisi bunun 5-də qol sevinci yaşayıbsa, tovuzlular 3 dəfə penaltini məntiqi sonluqla yekunlaşdıra bilməyiblər.
Ən az penalti qazanan komanda “Şamaxı” olub. Cəmi 1 dəfə hakim bölgə təmsilçisinə onbirmetrlik zərbədən fərqlənmək imkanı verib.
Ən çox penalti zərbəsi yerinə yetirən futbolçu Rafael Utziq olub. “Zirə”nin braziliyalısı 4 dəfə bu imkanı qazanıb və hamısında toru silkələməyi bacarıb. Onu 3 penalti ilə Yassin Benzia (“Qarabağ”), Kristian da Silva (“Turan Tovuz”) və Luis Paçu (“Kəpəz”) izləyiblər. Benzia hər üç halda ustalığını nümayiş etdiribsə, digər iki oyunçu yalnız 1 penalti qoluna sevinib.
Əleyhinə ən çox penalti verilən komanda isə “Şamaxı”dır. Bölgə klubunun qapıçısı 8 dəfə rəqib oyunçu ilə üz-üzə qalıb. Bunun 7-də “Şamaxı” mərkəzə dəvət olunub. İkinci pillədə qapısına 6 penalti təyin olunan “Səbail”dir. Elitanı tərk edən komanda yalnız 1 halda zərbənin qolla nəticələnməməsi ilə sevinə bilib. Müdafiədə ən intizamlı oyun sərgiləyən isə “Araz-Naxçıvan” olub. Naxçıvanlılar yalnız 1 dəfə rəqibə penalti vurmaq imkanı qazandırıb, o da qolla nəticələnməyib.
Penaltidən vurulan qollar:
“Qarabağ” – 7
XI tur: Toral Bayramov (“Şamaxı” ilə ev oyunu – nəticə 3:0)
XIII tur: Yassin Benzia (“Zirə” ilə ev oyunu – 4:0)
XXII tur: Yassin Benzia (“Səbail”lə ev oyunu – 5:0)
XXIII tur: Marko Yankoviç (“Neftçi” ilə səfər oyunu – 1:0)
XXVIII tur: Kadi Borqes (“Turan Tovuz”la səfər oyunu – 4:1)
XXXI tur: Yassin Benzia (“Neftçi” ilə ev oyunu – 3:0)
XXXII tur: Redon Cica (“Sabah”la səfər oyunu – 1:1)
“Zirə” – 5
II tur: Rafael Utziq (“Sabah”la səfər oyunu – 2:0)
VII tur: Rafael Utziq (“Sumqayıt”la səfər oyunu – 2:0)
XXV tur: Qismət Alıyev (“Turan Tovuz”la səfər oyunu – 2:0)
XXX tur: Rafael Utziq (“Neftçi” ilə səfər oyunu – 4:0)
XXX tur: Rafael Utziq (“Neftçi” ilə səfər oyunu – 4:0)
“Sabah” – 4
V tur: Coy Lens Mikels (“Kəpəz”lə səfər oyunu – 3:2)
VII tur: Pavol Safranko (“Səbail”lə səfər oyunu – 4:2)
XXI tur: Pavol Safranko (“Kəpəz”lə səfər oyunu – 2:3)
XXII tur: Pavol Safranko (“Turan Tovuz”la ev oyunu – 2:1)
“Araz-Naxçıvan” – 4
VIII tur: Felipe Santos (“Səbail”lə ev oyunu – 3:2)
XI tur: Felipe Santos (“Zirə” ilə ev oyunu – 1:1)
XVI tur: Ramon Maçado (“Səbail”lə səfər oyunu – 2:0)
XXIX tur: Ramon Maçado (“Sumqayıt”la ev oyunu – 2:0)
“Neftçi” – 4
XXI tur: Emin Mahmudov (“Şamaxı” ilə ev oyunu – 1:0)
XXIV tur: Filip Ozobiç (“Sumqayıt”la ev oyunu – 1:0)
XXIX tur: Ramil Şeydayev (“Şamaxı” ilə səfər oyunu – 2:0)
XXXIII tur: Emin Mahmudov (“Kəpəz”lə ev oyunu – 2:2)
“Turan Tovuz” – 3
IV tur: Otto Con (“Qarabağ”la səfər oyunu – 1:0)
VIII tur: Kristian da Silva (“Şamaxı” ilə səfər oyunu – 2:2)
XVI tur: Alexandro Serrano (“Şamaxı” ilə ev oyunu – 3:2)
“Kəpəz” – 3
XI tur: Luis Paçu (“Turan Tovuz”la səfər oyunu – 1:2)
XXI tur: Rauf Hüseynli (“Sabah”la ev oyunu – 3:2)
XXXIV tur: Rauf Hüseynli (“Sumqayıt”la ev oyunu – 1:0)
“Sumqayıt” – 2
XIV tur: Rövlan Muradov (“Şamaxı” ilə ev oyunu – 2:1)
XXXVI tur: Giorgi Karaişvili (“Səbail”lə səfər oyunu – 4:1)
“Şamaxı” – 1
XXIII tur: Brahim Konate (“Kəpəz”lə səfər oyunu – 1:1)
“Səbail” – 1
XXXIII tur: Rüfət Abdullazadə (“Şamaxı” ilə səfər oyunu – 1:1)
Qolla nəticələnməyən penaltilər:
“Turan Tovuz” – 3
IV tur: Otto Con (“Qarabağ”la səfər oyunu – 1:0)
XI tur: Kristian da Silva (“Kəpəz”lə ev oyunu – 2:1)
XIII tur: Kristian da Silva (“Səbail”lə səfər oyunu – 1:1)
“Kəpəz” – 2
XV tur: Luis Paçu (“Şamaxı” ilə səfər oyunu – 1:0)
XIX tur: Luis Paçu (“Turan Tovuz”la ev oyunu – 5:2)
“Sabah” – 1
XI tur: Cesse Sekidika (“Neftçi” ilə ev oyunu – 0:0)
“Səbail” – 1
XI tur: Fərid Nəbiyev (“Sumqayıt”la ev oyunu – 0:1)
“Sumqayıt” – 1
XXI tur: Rövlan Muradov (“Araz-Naxçıvan”la ev oyunu – 0:0)
“Zirə” – 1
XXIX tur: Qismət Alıyev (“Qarabağ”la səfər oyunu – 0:1)
