“Sumqayıt” tarixinin ən böyükhesablı səfər qələbəsi rekordunu da təkrarlayıb.

Newsport.az Peşəkar Futbol Liqasının mətbuat xidmətinə istinadən xəbər verir ki, bu Premyer Liqanın 2024/25 mövsümündəki son oyununda səfərdə “Səbail” üzərində böyükhesablı qələbədən sonra reallaşıb.

4:1 hesabı ilə qalib gələn “gənclik şəhəri” təmsilçisi tarixində 5-ci dəfə rəqib meydanındakı çempionat matçında 3 top fərqi ilə üstün olub.

Sumqayıtın eyniadlı təmsilçisi səfərdəki bütün böyükhesablı qələbələrini eyni fərqlə əldə edib. Komanda əvvəlki mövsümlərdə “Kəpəz”i (2017/18) 3:0, “Sabah” (2018/19), “Səbail” və “Turan Tovuz”u (hər ikisi 2023/24) eyni – 4:1 hesabı ilə məğlub edib.

“Kimyaçılar” həm də qələbəsiz oyunlar seriyasına son qoyub. 27-ci turda “Turan Tovuz”u 2:1 hesabı ilə məğlub edən sumqayıtlılar 4-cü dövrədə ilk dəfə qalib gəlib. Bunadək 8 matçda qələbə qazanmayan komanda 2 heç-heçə edib və 6 dəfə uduzmuşdu.