Misli Premyer Liqasında mövsümün sonuncu - 36-cı turunun matçları davam edir. 

Newsport.az xəbər verir ki, ikinci gündə daha iki oyun keçirilib. 

Əvvəlcə artıq çempionluğu rəsmiləşdirən “Qarabağ” səfərdə “Şamaxı”nın qonağı olub. Görüş ağdamlıların 1:0 hesablı qələbəsi ilə başa çatıb. 

"Qarabağ" bu qələbədən sonra xal sayını 89-a çatdırıb. "Şamaxı" isə 36 xalla 7-ci yerdədir. 

Daha sonra isə “Sabah” “Neftçi”ni qəbul edib. Bu görüşdə Masazır təmsilçisi 1:0 hesablı qələbə qazanaraq turniri 48 xalla 5-ci yerdə başa vurdu. "Neftçi" isə 43 xalla 6-cı yerdədir. 

24 may (şənbə)

19:30. “Sabah” - “Neftçi” - 1:0 

Qol: Cesse Sekidika, 62
Qırmızı vərəqə: Sofian Çakla, 50 ("Sabah"), Edvin Kuç, 75 ("Neftçi")
Hakimlər: Tural Qurbanov, Asiman Əzizli, Kərim Zeynalov, Kamranbəy Rəhimov
VAR: Rəvan Həmzəzadə
AVAR: Kamran Bayramov
“Bank Respublika Arena”

17:00. “Şamaxı” - “Qarabağ” - 0:1 

Qol: Emmanuel Addai, 86
Hakimlər: Rauf Cabarov, Zöhrab Abbasov, Tərlan Talıbzadə, Əkbər Əhmədov
VAR: Elçin Məsiyev
AVAR: Pərvin Talıbov
Şamaxı şəhər stadionu