UEFA Avropa Liqasının I təsnifat mərhələsindən mübarizəyə qoşulacaq 16 klubdan 8-i müəyyənləşib.

Newsport.az saytının məlumatına görə, onlardan 5-nin səpələnmişlər, 2-nin isə səpələnməmişlər səbətində yer alacağı dəqiqdir.

Slovakiya təmsilçisi “Spartak”ın isə hansı səbətdə olacağı hələ məlum deyil. Azərbaycanı bu turnirdə təmsil edəcək komanda püşkatma zamanı səpələnməmişlərdə yer alacaq. Bu, ya “Zirə”, ya da “Sabah” olacaq.

Təmsilçimiz Donetsk “Şaxtyor”u, “Legiya”, “Şerif”, ÇFR və ya “Selye” ilə qarşılaşa bilər.

Avropa Liqası

I təsnifat mərhələsi

Səpələnmişlər

“Şaxtyor” (Donetsk, Ukrayna)

“Legiya” (Polşa)

“Şerif” (Moldova)

ÇFR (Rumıniya)

“Selye” (Sloveniya)

Səpələnməmişlər

“Paksi” (Macarıstan)

Azərbaycan kubokunun qalibi və ya çempionatın 2-cisi

“Aktobe” (Qazaxıstan)

Kosovo kubokunun qalibi

Qeyri-müəyyənlər

“Spartak” (Trnava, Slovakiya)

Serbiya kubokunun qalibi

İsrail kubokunun qalibi

Kipr kubokunun qalibi və ya çempionatın 2-cisi

İsveç kubokunun qalibi

Xorvatiya kubokunun qalibi

Bolqarıstan kubokunun qalibi və ya çempionatın 2-cisi

Qeyd edək ki, Avropa Liqasında I təsnifat mərhələsinin püşkü iyunun 17-də atılacaq.