Misli Premyer Liqasında 32-ci tur davam edir. 

Newsport.az xəbər verir ki, bu gün turun daha bir oyunu keçiriləcək.

“Kəpəz” Tovuzda “Zirə”ni qəbul edəcək. Gəncə klubu hazırda 28 xalla 9-cu pillədə qərarlaşıb. “Qartallar” isə 61 xalla turnir cədvəlində ikincidir. 

Bugünkü matçda qələbə qazanacağı halda “Kəpəz” turnir cədvəlində bir pillə irəliləyəcək. “Zirə” isə səfərdə ən azı 1 xal qazansa, həm medalçılar sırasında olmağı, həm də avrokuboklara vəsiqəni təmin edəcək. 

Cari mövsüm bu komandaların qarşıdurmasında “Zirə”nin aşkar üstünlüyü var. Rəşad Sadıqovun komandası rəqibini 4, 3 və 2 cavabsız qolla üstələyib. 

26 aprel

19:00. “Kəpəz” - “Zirə”

Hakimlər: Əliyar Ağayev, Akif Əmirəli, Müslüm Əliyev, Kamranbəy Rəhimov

VAR: Rəvan Həmzəzadə

AVAR: Cəmil Quliyev

Tovuz şəhər stadionu