Misli Premyer Liqasında 28-ci tur davam edir. 

Newsport.az xəbər verir ki, bu gün daha iki matç oynanılacaq. 

Əvvəlcə “Sabah” öz meydanında “Kəpəz”i qəbul edəcək. Hazırda paytaxt təmsilçisi 36 xalla 5-ci, Gəncə klubu 24 xalla 9-cu pillədə qərarlaşıb. 

Cari mövsüm bu komandaların qarşıdurmasında bərabərlikdir. 3 görüşdən 1-də “Sabah”, 1-də isə “Kəpəz” 3:2 hesablı qələbə qazanıb. 1 görüş isə 2:2 yekunlaşıb. 

Günün ikinci qarşılaşmasında 67 xalla lider olan “Qarabağ” 12 xal az toplanış ən yaxın izləyicisi “Zirə”ni qəbul edəcək. 

Cari mövsüm tərəflər arasında keçirilən 3 görüşdən 2-də “Qarabağ”, 1-də isə “Zirə” qələbə qazanıb.

Qeyd edək ki, tura sabah yekun vurulacaq. 

6 aprel (bazar)

17:00. “Sabah” - “Kəpəz” 0:1

Qol: Valdemar Almeyda, 41
Hakimlər: Rauf Cabarov, Pərvin Talıbov, Şirmamed Mamedov, Rəvan Həmzəzadə
VAR: Nicat İsmayıllı
AVAR: Akif Əmirəli
“Bank Respublika Arena”

19:30. “Qarabağ” – “Zirə” 1:0

Qol: Kadi Borqes, 15
Hakimlər: İnqilab Məmmədov, Namiq Hüseynov, Rahil Ramazanov, Əkbər Əhmədov
VAR: Tural Qurbanov
AVAR: Asiman Əzizli
Tofiq Bəhramov adına Respublika Stadionu