“Milan”ın baş məşqçisi Serjio Konseysao A Seriyasında “Napoli”yə məğlubiyyəti (1:2) şərh edib.

Newsport.az xarici KİV-ə istinadən xəbər verir ki, portuqaliyalı çalışdırıcı ilk 20 dəqiqəni istədikləri kimi oynamadıqlarını bildirib:

“İlk hücumda qol buraxdıq. İlk 20 dəqiqəni istədiyimiz kimi oynamadıq. Bütün bunları uğursuzluğa yıxmaq istəmirəm, ancaq yağışlı bir gün idi.

Penalti yerinə yetirən üç oyunçumuz var (Santyaqo Ximenes oyunda penaltini qaçırıb). Kristian Pulişiç uzun müddət qol vurmayan tərəfdaşına güvən vermək istəyirdi, bu, komandadakı ab-hava üçün yaxşı işarədir. Bu məğlubiyyətə layiq deyildik.

Rafael Leao? Ombasında bir az problem var idi və mən artıq onu buraxmamağı düşünürdüm.

Komandanın potensialı var, ancaq təzyiq mərhələləri ilə müdafiədə qaldığımız anlar arasında tarazlıq tapmalıyıq”.

“Milan” İtaliya A Seriyasının 30 turundan sonra 47 xalla turnir cədvəlinin 9-cu pilləsində qərarlaşıb.