Bu qış "Qarabağ"dan Olavio Juninyonu transfer edən "Flamenqo" Rio De Janeyro kubokununda həlledici matça çıxıb.

Newsport.az xəbər verir ki, komanda "Fluminense" ilə qarşılaşıb. Görüş 1:1 hesabı ilə yekunlaşıb. Lakin "Flamenqo" finalın ilk matçında 2:1 hesabı ilə qalib gəldiyi üçün çempion olub. "Flamenqo" tarixində 39-cu dəfə Rio De Janeyro kubokunu qazanıb.

Juninyo görüşə ehtiyatda başlayıb və meydana 85-ci dəqiqədə çıxıb. O, 87 və 90-cı dəqiqələrdə 2 qolun ötürməsini verib. Lakin bu qollar qayda pozuntusuna və oyundankənar vəziyyətə görə ləğv olunub. 

Bu, Juninyonun Braziliyada qazandığı ikinci kubokdur. O, daha əvvəl Braziliya Superkubokuna yiyələnib.