Bu gün Misli Premyer Liqasında 21-ci tur yekunlaşıb.

Newsport.az xəbər verir ki, 3-cü oyun günündə 1 matç keçirilib. Son çempion "Qarabağ" "Zirə"nin qonağı olub. Görüş meydan sahiblərinin 3:2 hesablı qələbəsi ilə başa çatıb. 

Ötən turda "Turan Tovuz"a məğlub olan Ağdam təmsilçisi bugünkü matçda 2:0 hesablı üstünlüyü qoruya bilməyib. Bakı təmsilçisi geridönüş edərək 3 qol vurub və sonda qələbə qazanıb. 

Hazırda turnir cədvəlində "Qarabağ" 50 xalla liderdir, "Zirə" isə 39 xalla 3-cüdür.

Bu komandalar arasında 1-ci dövrənin oyununda "Qarabağ" 3:1 hesablı qələbə qazanıb. 2-ci dövrənin görüşündə isə Qurban Qurbanovun komandası Rəşad Sadıqovun kollektivini darmadağın edib - 4:0.

2 fevral

19:00. “Zirə” – “Qarabağ” - 3:2

Qol: Aleksey Kaşuk, 20 (0:1), Patrik Andrade, 42 (0:2), Salifu Suma, 56 (1:2), 67 (2:2), Davit Volkov, 90

Hakimlər: Rəvan Həmzəzadə, Cəmil Quliyev, Şirmamed Mamedov, Elçin Məsiyev

VAR: Rauf Cabbarov

AVAR: Pərvin Talıbov

Zirə İdman Kompleksinin stadionu