Macarıstanlı müdafiəçi Mark Tamaş "Neftçi"dən ayrılıb.

Newsport.az “Nemzeti Sport”a istinadən xəbər verir ki, bu barədə futbolçunun özü məlumat verib.

“Keçmiş haqqında danışmağı sevmirəm. Amma ən əsası odur ki, bütün əlamətlər vəziyyətimin həll olunduğunu göstərir. Şifahi razılıq əldə olundu ki, qarşılıqlı razılıq əsasında müqaviləyə xitam verəcəyik ki, mən ödənişsiz gedə bilim. Bu, mənim başıma heç vaxt gəlməmişdi, uzun müddət oynamadığım yerdə, əlbəttə ki, xoşagəlməzdir, amma həyat belədir. Görək karyeram gələcəkdə necə olacaq. Bir şeyi dəqiq demək olar: yenidən oynamaq üçün can atıram”.