Ağdam klubu hazırda "Rəvan”la oynayır. Saat 12:00-da "İnter Arena”da başlayan görüşdə əlamətdar olay da yaşanıb. Belə ki, "Qarabağ”ın uzun müddətdi zədəli olan futbolçusu Namiq Ələsgərov yaşıl meydanlara dönüb. Oyunun gedişində Cavid Tağıyevi əvəzləyən sabiq "Bakı”lı 7 ay yarımdan sonra oyuna çıxıb. 
 
Xatırladaq ki, gənc və perspektivli futbolçu AVRO-2016-nın seçmə mərhələsi çərçivəsində martın 28-də Tofiq Bəhramov adına Respublika stadionunda Azərbaycan və Malta milli komandaları arasında keçirilmiş oyunda zədələnmişdi. Ardından Almaniyanın Plattlinq şəhərində cərrahiyə əməliyyatına məruz qalan hücumçu apreldən fizioterapiya kursuna başlamışdı. Son 1 aya yaxın müddətdə fərdi çalışmalarla bərpa prosesini bitirən Ələsgərov artıq oyunlara da çıxır.