Azərbaycan Premyer Liqasının XII turunda AZAL-la oyundan sonra 3 günlük istirahətə buraxılan "Kəpəz” noyabrın 11-dən məşqləri bərpa edib. Komanda gündə bir dəfə "Dalğa Arena”da hazırlıq keçir.
 
Newsport.az-ın məlumatına görə, "sarı-göylər”in bu günkü məşqini komandanın zədəli futbolçusu Dario Frederiko da izləyib. Məşqdən sonra məşqçilər korpusu və futbolçularla bir-bir görüşüb sağollaşan braziliyalıya əməliyyat öncəsi uğurlar arzulanıb. Hamı Darionun tezliklə düşərgəyə dönməsini diləyib.
 
Xatırladaq ki, meniski zədələnən yarımmüdafiəçi bu gün ölkəmizi tərk edərək əməliyyat olunmaq üçün vətəninə yollanacaq.