17 yaşadək futbolçulardan ibarət Azərbaycan milli komandası Avropa çempionatının seçmə mərhələsində sonuncu oyununu keçirib.

Newsport.az xəbər verir ki, 6-cı qrupda yer alan millimiz meydan sahibi Rumıniya yığması ilə üz-üzə gəlib. Rumıniya Milli Futbol Mərkəzinin stadionunda təşkil olunan görüş 1:1 hesabı ilə başa çatıb.

Qeyd edək ki, U-17 ilk iki oyununda Macarıstan (0:4) və Yunanıstan (0:3) seçmələri ilə qarşılaşıb.