Misli Premyer Liqasında 6-cı tur davam edir.

Newsport.az-ın məlumatına görə, 2-ci oyun günündə 2 matç keçirilib. Əvvəlcə "Şamaxı" evdə "Sumqayıt"la qarşılaşıb. Oyun ev sahiblərinin 1:0 hesablı qələbəsi ilə başa çatıb. 

Beləliklə, bu mövsümdə 2-ci qələbəsini qazanan “Şamaxı” ən azı “Zirə” - “Neftçi” oyununun yekun nəticəsinə kimi 5-ci pilləyə yüksəlib.

Digər görüşdə son çempion "Qarabağ" "Səbail"i qəbul edib və 2:1 hesablı qələbə qazanıb. Bu qalibiyyətlə Ağdam təmsilçisi ən azı "Sabah" - "Turan Tovuz" matçının yekun nəticəsinə qədər 2-ci pilləyə yüksəlib.

Qeyd edək ki, tura sabah keçiriləcək 2 oyunla yekun vurulacaq.

Misli Premyer Liqası, 6-cı tur

14 sentyabr (şənbə)

19:00.“Qarabağ” – “Səbail” - 2:1

Qollar: Leandro Andrade, 5 (1:0), 56 (2:0), Fərid Nəbiyev, 58 (2:1)
Hakimlər: Tural Qurbanov, Rəhman İmami, Müslüm Əliyev, Rauf Allahverdiyev

“Azersun Arena”

16:30.“Şamaxı” – “Sumqayıt” - 1:0 

Qol: Georgi Kantariya, 2
Hakimlər: Rəşad Əhmədov, Vüsal Məmmədov, Zöhrab Abbasov, Əli Əliyev
Şamaxı şəhər stadionu

15 sentyabr (bazar)

18:00.“Zirə” – “Neftçi”
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov
Zirə İK stadionu

20:30.“Sabah” – “Turan Tovuz”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev
“Bank Respublika Arena”

13 sentyabr (cümə)

“Araz-Naxçıvan” – “Kəpəz” - 1:0 

Bombardirlər:

Davit Volkov ("Zirə") - 3 qol
Coy Lens Mikels ("Sabah") - 3 qol
Riçard Almeyda ("Qarabağ") - 2 qol
Xəyal Nəcəfov ("Turan Tovuz") - 2 qol
Ayman Bouali ("Səbail") - 2 qol
Suleyman Alluş ("Səbail") - 2 qol
Namik Ələskərov ("Sabah") - 2 qol
Cesse Sekidika ("Sabah") - 2 qol