Ölkəmizdə yeni yaradılmış "CBC Sport”un noyabra qədər test yayımında olacağı əvvəlcədən məlum idi.
Newsport.az-ın məlumatına görə, kanal rəhbərliyi əvvəlcə noyabrın 1-dən, sonra isə bu tarixdə Milli Məclisə seçkilərin keçirilməsini səbəb göstərərək ayın 2-dən tam yayıma keçəcəyini açıqlamışdı. Amma əldə etdiyimiz məlumata görə, "CBC Sport”un bu istəyi elə istək olaraq qalacaq.
Belə ki, kanal "Azerspace” peykinə çıxmağı lazım bilməyib. Əldə etdiyimiz bilgiyə görə, səbəb "AzərKosmos”un tələb etdiyi məbləğin kanal rəhbəriyini razı salmamasıdır. Bir sözlə, yeni yaradılmış kanal peykə çıxmaqdan imtina edib.