Azərbaycanın minifutbol komandası "AzNur" Polşanın paytaxtı Varşavada start götürən Çempionlar Liqasına qələbə ilə başlayıb.

Newsport.az-ın məlumatına görə, Fransa təmsilçisi "Les Piopio" ilə üz-üzə gələn təmsilçimiz 2:1 hesabı ilə qalib gəlib.

Digər təmsilçimiz "Birbaşa Bakı" isə İspaniyanın "Malaqa" kollektivini sınağa çəkəcək. Bu görüş saat 19:00-da başlayacaq.

Qeyd edək ki, qrup mərhələsinin digər oyunları sentyabrın 6-da gerçəkləşəcək.