"Ludoqorets"in çətin rəqib olduğunu bilirdik. Düşünürəm ki, yaxşı oynadıq. Amma təəssüflər olsun ki, qol buraxdıq".

Newsport.az xəbər verir ki, bu sözləri "Qarabağ"ın futbolçusu Bəhlul Mustafazadə Çempionlar Liqasının 3-cü təsniat mərhələsində "Ludoqorets"ə uduzduqları ilk oyundan (1:2) sonra jurnalistlərə açıqlamasında deyib.

26 yaşlı müdafiəçi səfərdəki cavab oyununda mərhələ adlayacaqlarına inandığını söyləyib: "İlk oyunda şanslarımızdan istifadə edə bilmədik. Lakin bu son deyil. Bolqarıstanda əlimizdən gələni edəcəyik".

O, "Ludoqorets"in "Qarabağ"ı yaxşı analiz etdiyini bildirib: "Əlbəttə ki, bunu gözləyirdik. Artıq bütün Avropada bizi az-çox tanıyırlar. Buna baxmayaraq, çoxsaylı şanslar yarada bildik. Bolqarıstanda imkanlarımızdan yararlanmağa çalışacağıq".

B.Mustafazadə matçdakı hakim qərarlarına da toxunub: "Əlbəttə ki, bütün komanda olaraq hakimin sarı vərəqələr verməsinə etirazımız oldu. Çünki bəzən çox sadə epizodlarda sarı vərəqə göstərirdi. Məsələn, bir epizoddan 2 saniyə əvvəl bizim futbolçumuza qarşı qayda pozuntusu olsa da, oyunu saxlamırdı, amma bizi dərhal dayandırırdı. Lakin bunlar bəhanə deyil. Səhvlərimizdən nəticə çıxaracağıq. Çalışacağıq ki, səfərdə qələbə qazanaq".