"Qarabağ"ın "Rəvan"la matçda yeganə qolunun müəllifi Vüqar Mustafayev matçdan sonra Newsport.az-ın suallarını cavablandırıb:
- Vurduğun qol komandaya qələbə qazandırdı...
- Əsas komandamızın qələbəsidi, hansı oyunçunun qol vurması önəmli deyil. "Sumqayıt"la oyunda itirdiyimiz xalları bu oyunda bərpa etmək istəyirdik. Qələbə qazanmalıyıdıq ki, onu da qazandıq.
- "Qarabağ" əvvəlki matçlardakı kimi bütün oyunboyu rəqib qapısı qarşısında saysız-hesabsız qol imkanları yarada bilmədi...
- İstər-istəməz yorğunçuluqla bağlıdı. Avropa Liqasında da oyunumuz olmuşdu. Sıx qrafik olduğuna görə yorğunçuluq oldu.
- "Rəvan"ı necə bu cür gözləyirdiz yoxsa daha asan qələbə qazanacağınızı fikirləşirdin?
- Yox, bu cür də gözləyirdik. Bu dəqiqə Premyer Liqamızda asan rəqib yoxdu. Hamı bir-birilə başabaş mübarizə apara biləcək komandadı.
- Qarşıdakı turda da AZAL-la oynayacaqsız. Hansı ki, bu rəqib son iki turdan dörd xal götürə bilib. Bu sizi narahat etmirki?
- AZAL-ın da güclü komanda olduğunu yaxşı dərk edirik. Son turlarda özlərinə gələ biliblər. İnşallah ki, AZAL matçına dda qələbə üçün çıxacağıq.
- Son iki turda "Qarabağ"ın tam istədiyi futbolu oynaya bilməməsi görünür. Bunu nə ilə əlaqələndirirsən?
- Məncə yorğunçuluqdu. "Rəvan" matçına çıxanların əksəriyyəti Avropa Liqasında da oynayırdı. Yorğunluqdan irəli gəlir hamısı.
- "Monako" ilə oyunda qrupdan çıxmaq şanslarınızı artıra bilərsiz...
- Bu oyundakı üç xal bizim üçün altı xala bərabərdi. "Monako"ya qalib gəlmək üçün, Fransada etdiyimizdən də artığını etməliyik.
- Reynaldonun yoxluğu yəqin ki, yenə özünü göstərəcək...
- Düzdü, Reynaldonun yoxluğu öz təsirini göstərir. Amma komandada Armentoros və Raydel Pupon kimi hücumçularımız da var. İnşallah ki, onlar da özlərini göstərə bilər.
- Armentoros və Pupon. İkisi Reynaldonu verə bilmir. Razısan?
- Reynaldonun yeri tam başqadı. Ancaq Armentoros və Pupon da komandaya uyğunlaşmaq üçün əllərindən gələni edirlər. Reynaldo artıq neçə illərdi ki, "Qarabağ"dadı. Pupon qol vurmalı ki, açılışsın. Pupondan da qol gözləyirik.
