UEFA Konfrans Liqasının II təsnifat mərhələsində “Sabah”la baş tutacaq cavab oyunundan öncə “Makkabi”nin Bakıda keçirməli olduğu məşq ləğv edilib. Newsport.az xəbər verir ki, bu barədə klubun mətbuat xidməti məlumat yayıb.

Bildirilib ki, buna Hayfa təmsilçisinin Bakıya gecikməsi səbəb olub. Uçuşda 3 saat yubanma olduğu üçün “Makkabi”nin Bakıdakı məşqi baş tutmayacaq.

Qeyd edək ki, sabah keçiriləcək “Sabah” - “Makkabi” matçı saat 20:00-da başlanacaq. Bu komandaların ilk oyununda təmsilçimiz 3:0 hesablı qələbə qazanıb.