"Qəbələ"nin baş məşqçisi Roman Qriqorçuk Azərbaycan Premyer Liqasının 10-cu turunda AZAL-la qolsuz bərabərə qaldıqları matçı şərh edib.

Newsport.az-ın PFL-in saytına istinadən yaydığı xəbərə görə, o, nəticədən razı qalmadığını deyib:

"Biz bu gün hər iki hissəni üstün oynadıq. Rəqib qapısı qarşısında ən azından 3  real qol vəziyyəti yaratdıq. Düşünürəm ki, bu gün qələbə qazanmalı idik. Lazımi qədər yaxşı oynadıq. Səhvlərimizi  təhlil edib, növbəti oyunlara hazırlaşacağıq”.