Yunanıstanın PAOK klubu gözlənilməz itki ilə üzləşib. 

Newsport.az-ın məlumatına görə, Saloniki təmsilçisinin bolqarıstanlı forvardı Dimitar Berbatov zədələnib.  Klubun rəsmi saytında yer alan məlumata görə, Berbatov iki həftə yaşıl meydanlardan kənarda qalacaq. Bu isə o deməkdir ki, bolqarıstanlı forvard Yunanıstan Kubokunda  "Pantrakikos”, ölkə çempionatında "Asteras” və Avropa Liqasının "Krasnodar”la oyunları buraxacağı dəqiqdir.
Qeyd edək ki, Saloniki təmsilçisi Avropa Liqasının qrup mərhələsində "Qəbələ” ilə eyni qrupda yer alıb.