Ölkəmizi Çempionlar Liqasında təmsil edəcək “Qarabağ” klubu yeni mövsüm üçün formalarını təqdim edib. Newsport.az xəbər verir ki, bu, Ağdam klubunun sosial şəbəkə paylaşımı ilə gerçəkləşib.

“Köhlən atlılar” yeni mövsümdə də “Adidas”dan geyinəcək. Ev və səfər formaları ənənəvi olaraq qara və ağ rəngdədi. Komandanın üçüncü forması isə ağ və mavi rənglərdən ibarətdir. Bu forma Argentina yığmasının formasına bənzəyir.

Qeyd edək ki, “Qarabağ” 2023/24 mövsümündə həm Azərbaycan Premyer Liqası, həm də ölkə kubokunun qalibi adını qazanıb.