“Mən qazanılan 3 xala görə razıyam. Demək istəyirəm ki, biz son iki oyunu yeni baş məşqçiyə qarşı oynayırıq. Bunun əlavə çətinlikləri var".

Newsport.az-ın məlumatına görə, bu sözləri "İnter"in baş məşqçisi Zaur Svanadze Azərbaycan Premyer Liqasının 9-cu turunda "Rəvan"a 2:0 hesabı ilə qalib gəldikləri matçdan sonra deyib.

O, “Rəvan”la oyuna zədəli futbolçuların çoxluğu fonunda qurulan heyətlə çıxdıqlarını vurğulayıb:

"Problemlərə baxmayaraq, qələbə qazandıq. Qarşıdakı oyunu düşünməliyik”.