Rusiya Futbol İttifaqının (RFİ) rəsmiləri Azərbaycan, Ermənistan və Qazaxıstandan olan həmkarları ilə milli komandaların mümkün yoxlama görüşləri ilə bağlı danışıqlar aparır.

Newsport.az xəbər verir ki, bu haqda RFİ-nin baş katibi Maksim Mitrofanov "RİA Novosti" agentliyinə müsahibəsində deyib.

"Biz bu federasiyalarla da danışıqlar aparırıq. Amma Avropa komandaları ilə oyun keçirmək üçün razılaşmaq olduqca çətindir. UEFA-nın digər konfederasiyalardan fərqli olaraq, sıx təqvimi var. Bura Avropa çempionatlarına əlavə vəsiqələr verən Millətlər Liqası yarışı da daxildir. Yoldaşlıq görüşləri üçün demək olar ki, pəncərə qalmır” - deyə o bildirib.

Xatırladaq ki, Rusiyanın Ukraynaya hərbi hücumu ilə əlaqədar bu ölkənin milli komandası UEFA və FİFA yarışlarından xarici edilib.